حبك خيالى

موضوع: حبك خيالى الثلاثاء مارس 24, 2009 2:20 am

الله عليك يا سمو و انت بتقول

" عرفت معنى الحب الى شيلو فى قلبى ليك" ..

و انت معايا و مش معايا بحس بيك .. و انا اى كلمه حب حلوه بتفكرنى بيك ..

احساس عالى و رومنسيه عاليه اوى اوى ..انا اى همسه و كل لمسه فاكرها و حلوه بيك ..

ده انا حسيت بحياتى لما لقيت عنيك .. عايش فيك و انت بعيد عنى ايوة حقيقى و عيلاوحشانى

ارتاح و انت فى حضنى .. يا حبيبى يا حبيب قلبى و عنيا انا كلى ليك ..

و خليك فاكرنى يالى بجمالك و بعيونك دول اسرنى ..

ايه الكلام الجميل ده .. حد وصل لأحساس زى كده بجد .. " ده انت فى عنيا كل الى ليا "

اول ما شوفتك .. لمست قلبى بكلمه واحده نسيت جراحو ..

كلام عالى اوى .. و احساس عالى بيكون الكلام فيه على حد حساس اعلى من مستوى البشر العادى ..

بنحكى على حاجه بنشبها بالملاك كده .. حد شاف ملاك قبل كده ؟؟

اكيد لا ماحدش بيشوفو .. الى حاساس الاحساس ده هو الوحيد الى يقدر يقول انا شوفت ملاك ..

تملى حبيبى بشتقالك .. جميل اوى المعنى ده .. و لو حوليا كل الكون بكون يا حبيبى محتجلك ..

عارفين ليه ؟؟

علشان اانا عيشت معاك سعات لسه بعيش لى حسها .. حسيت فى هواك حااجات عمرى قلبى ماحسها .. ده ماكنش اكيد غرام .. شئ اكبر من الكلام ..

لو هاوصف فيه انا ده عايزلى ميت سنه ..

حبك خيالى .. حلم و ندالى .. قلبى فى ثوانى لبى الندا .. حبك حقيقه حلوة و بريئه عمرى فى حياتى ما شوفت كده ..

انا حبك خدنى فوق خلانى اوصل للسما و لقيت جوايا شوق و روحى بهواك مغرما .. سلمت حياتى ليك و لقيتها مابين ايديك ..

حد وصل معايا للأحساس الى بحاول اوصلو .. حب بجد .. حقيقى من قلبك .. عارف يعنى ايه لما تليفونك يرن و تبقى عارف مين الى بيتصل بيك .. و تعبر عن فرحتك بيه بأبتسامه بينك و بين نفسك ..

عارف لما تبقى مستنى انك تشوفو بكره .. و بكره يجى و لسه ماجلجش نوم .. عارف لما تبقى عايز الوقت يجى علشان تشوفو بسرعه .. و لما تشوفو تبقى شايفو احلى من المره الى فاتت و من كل المرات و فى كل مره احلى من الى قبلها..

حب خيالى .. الدنيا كلها بقيت فى الحد ده .. بتشوف الدنيا من عنيه .. و تحب الدنيا علشان هو فيها .

الكلام ده بجد .. و ده احساس حقيقى مش كلام افلام و رويات .. لان الناس ماكنتش هاتقدر توصل بخيلها لانها تتخيل حاجه زى كده غير لما تشوفها بعنيها ..

لان ديه حاجه اكبر من انها تتوصف اصلا .. مهما اتوصفت فا هى ما اتوصفتش .. و مش هايحصل ده ..

ولا عم منير لما يحكى و يوصف و يقول .. لما النسيم بيعدى بين شعرك حبيبتى بسمعو ..

طيب ده ازاى ينفع الكلام ده ؟. عايزانى ليه لما تقوليلى بعشقك .. ما اصرخش و املى الكون اهات ..

الاغنيه ديه فيها حته جامده اوى بجد الى بيقول فيها ..

يا نجمه كل ما ضيها يلمس حجر .. يعلى و يتحول قمر .. بكتب حروف اسمك بحبات الندى على كل اوراق الشجر .. مين الى يقدر يعشقك قدى اانا .. مين الى يقدر يوصفك زيى انا ..

يا حلم نفسى تحلمو كل القلوب .. يا اعلى حساس شدنى و خلانى ادووب ..

من حلاوه الاحساس الى هو حاسو مش مستخصرو فى البشر كلها انها تحسو .. " خلانى احس انى بشر "

فى لحظه ضاع الاحساس ده من ايدك .. و الفراق ده نار .. و اصعب حاجه فى الدنيا ..

تخيل ايه احساسك ساعتها .. عارف يعنى ايه لما تبقى اعد قدام كل الناس .. و مش حاسس ولا بتفكر غير فى حاجه واحده ..

و غصب عنك تلاقى الدمعه فرت من عينك .. و مش قادر تمسحها .. صعبان عليك تمسح الدمعه الى حزينه على الفراق ..

تبقى بتكلم حد بس مش سامعو ولا شيفو ولا حاساس بأيدو و هو بيطبطب عليك و بيقلك مالك فى ايه ..

هو اليوم الى احنا حبيبى ما عملناش حسابو .. كل ما عينى تيجى فى عينك برجع بالزمان .. و افتكر الكلمه الى مليتنا بالشوق و الحنان .. ترجع تصعب نفسى عليا .. قلبى يزيد عزابو ..

اها حلمنا بكل حاجه الا ده ما حلمنا بيه عمرنا فى مره ما قلنا ان شوقنا تروح عليه . و الحلم الى بديتو بحبك تبقى نهيتو وداع .. كنا هانفضل طول يمنا حاسدنا العشقين .. كان حلمى انى اموت و انا جنبكك بعد سنين جاين .. بســــــ

عود نفسك و انا هاتعود .. خليك فاكر ان انا فاكرك ديما كل يوم ..

الحلم الجميل الى عشنها من شويه اتكسر ولا ايه ؟؟

مافيش كلام بيوصف احساس بالحب .. و ما فيش حب بتوصف بالكلام ..

الكلام ده محتاج تعد مع نفسك .. اضائه هاديه ميوزك هادى .. صمت يرج ارجاء المكان ..

ده جزء من ده ممكن يكون جزء من جزء من الكلام الى ممكن يخليك مجرد تقرب يوصل بخيالك للأحساس الجميل ..

ارجع بأه اقرى الجزاء الاولى من الموضوع تانى هتلاقى الوضع اتغير .. بدأت تحس بالكلام اكتر ..

نسبه الى هايفهمو الكلام ده ..

الى عاشيو . و ده حسو ميه فى الميه .. و دول نسبتهم قليله اوى ..

الى كان عايش الاحساس ده . و ده هايقدر يحس تلت تربع الاحساس ..

و الى عارف الاحساس ده نفسو يعيشو .. و ده بيحس ربع الاحساس ..

و الى مش فى دماغو .. او على طول مخدوع فى الحب .. هايبقى فى مجرد تعاطف مع الكلام ..

و الى ضد الموضوع اصلا .. مش هايفهم اى حاجه من الموضوع ..

ياترى كل واحد كان مين فى دول ..